Tun dinhmuna rimawi khawvela hralh tla ber BTS chuan an thiltitheihna ‘K-wave’ chu White House-ah an luhpui ta.
Hetah hian Presient Biden chu zai leh lam entir an tum lova, America ramchhunga Asian mite laka hleilenna leh tharum thawhna hluar chho mek sawipui tura kal an ni.
Covid-19 hluar phat khan US-ah Asian mite laka tharum thawhna leh pawikhawihna hi a pung chho viau mai a, kum 20s vela upa member pasarih te hian kum 79 mi Mr Biden hi chi leh chi inkara boruak tha lo thleng chho mek tihkiamna tur leh a thawi damna hrang hrangte sawihoin, hmalak dan tur an ngaihtuah ho a ni.
BTS member Suga chuan, “In-an lohna hi thil tha lo a nihna a awm lo. Kan chhungril kan phawrh a, kan inan loha leh danglamna kan pawm tla hian intluktlanna hi a lo intan ve nghal mai thin,” a ti.
Member dang V pawhin, “Tute pawh hian an mahni pualin history an nei vek. Vawiin hi inhriatthiam tawnna leh tute pawh an hlutna hriatchian lehzualna Ni a nih ngei ka beisei a ni,” a ti ve bawk.