Tun lai hian thisena thun chi damdawi chi khat, Compound Sodium Lactate Injection (RL) chu a hmangtu damloten harsatna an tawh avangin hmang chhunzawm rih lo turin health department chuan thuchhuah an siam.
Lalsawma, Controlling & Licensing Authority Directorate of Health Services-in nimina thuchhuah a siam danin, Swaroop Pharmaceuticals Pvt. Ltd., Aligarh siam Compound Sodium Lactate Injection (RL) quality hi tunah hian enfiah turin Drugs Testing Laboratory-ah thawn tawh a nih thu a sawi a. He damdawi hi a nihna dik tak hriat a nih hma chuan hmang zawm lo turin hriattirna a tichhuak a ni.
Mizorama he damdawi chah luttute pawh la kir tura ngenin, district hrang hranga private leh sorkar damdawi in zawng zawngte pawhin hmang rih lo turin a hriattir a ni.