Aizawl: Mara Autonomous District Council (MADC) sorkara Deputy Chief Executive Member leh Executive Member pariatte chu nimin khan rinawmna thu tiamtira lak luh an ni.
MADC Forest Hall-a lak luhna inkhawm hi K. Chhihrau, Executive Secretary, MADC-in kaihhruaiin Dy. CEM leh EM-te hi Lalngaihmawia Zote, Judge, Fast Track Court, Siaha District-in rinawmna thu tiamtirin a la lut.
Dy CEM atan MNF member HC Lalmalsawma Zasai; EM atan Nahlo Solo, H. Hrang-chuanga, S. Lalremthanga, HC Biakcheuva, T A James Riatha, L. Beihruakhai, ST Vanlalmalsawmliana leh J. Beikiasa te an ni.