Northeast Frontier Railways (NFR) hnuaia Railway Protection Force (RPF)-te chuan Guwahati Railway Station atangin kumtlinglo panga an chhanchhuak.
RPF hmeichhe constable pakhat chuan Zirtawpnia a duty laiin , zing dar 6:45 velah rel station-a hmeichhe naupang amah chauhva lut a hmu a. A pan hnaih hnuah an chenna, Pasighat, Arunachal Pradesh atangin a chhungte hriat lohva tlanbo a nih thu a hre ta a ni.
Hmeichhe naupang hi RPF office-ah hruai a ni a. A ipte an enfiah hnuah Aadhar card, school ID card, thawmhnaw, mobile, bank passbook pahnih leh pawisa Rs. 1,430 hmuh a ni.
Hmeichhe naupang nutapa an biakpawh hnuah Railway Childline Guwahati hnenah an hlan chhawng leh.
Hei bakah hian RPF-te leh Railway Childline Guwahati tangkawpte chuan Zirtawpni khan enfiah hna thawkin Platform No.7-a vak rawlaite mipa naupang pali an hmu leh a. An chenna atangin hna zawnga tlanbo an ni tih an hre thei tawh.
Heng mipa naupangte hian an chhungte biakpawh theihna tur engmah an hre lo thung.