Diphu Medical College, Karbi Anglong, Assam-a MBBS zir tura lut tharten Thawhlehnia an luh thar hawnna inkhawm an neiha chaw an sem eitu zinga mi 145 zet chu an damlo va, an zingah hian naupang eng emaw zat an tel bawk.
“Damdawi inah mi 145 dah luh an ni a, tunah erawh chuan mi 28 chu dama chhuahtir leh tawh an ni a, mi dangte pawh an dinhmun a tha,” tiin Health Minister Himanta Biswa Sarma chuan nimin khan thuthar lakhawmtute hnenah a sawi.
Sarma chuan hun an hmannaa an thil ei chuan an pum lamah a thawk a, pum nuam lo leh awm nual lo \hahnem tak an awm phah tak thu a sawi.
Hetih lai hian district thuneitute chuan magistrate kaihhruaia he thil thleng chhuina tur thupek a chhuah.
“He hun hmannaa ei tur sem sample-te chu food inspector-ten an la khawm tawh a, a zir chiang zui mek” an ti.