Mizoram Super League champion lai Zarkawt BCA chuan season 7 a an match hmasa ber an khel a. Harsatna lian tawk lovin Khatla TBL 79-96 in an hneh.
Zirtawpni zana R.Dengthuama Indoor Stadium a inkhelah champion lai in 1st quarter-ah point 33 an score a, an dinhmun tha hi a tawp thlengin an hum.
Khatla TBL in an elpuite hi an fal tir hman bik lova, an dinhmun thlak turin point an score zawn rei hleithei lo.
Zarkawt BCA tan Joseph Frederick Allen chuan point 33 leh rebound 14 a la a. Lalrina Renthlei chuan point 26 leh rebound vawi 8 a la.
Khatla TBL tan Levi Bradley Jr. chuan point 29 score in rebound vawi 6 a la a, Vanlalrinchhana leh K. Lalthianghlima ten point 14 leh 10 an thawh.
Inrinni zan inkhelah Mission Veng Hotshots in an match hnihna an khel a. Hnehna la chang ve ve turin 80-69 in Tuikual South Basketball Club an hneh.
Mission Veng Hotshots tan Joshua Aaron Keyes leh Eddie Zairemmawia te offense a mi pawimawh an ni a, point 21 leh 20 thawhin an pahnih inkawpin rebound 22 an la.
Tuikual South tan Darrell Bowie leh Lalnunpuia ten point 24 leh 22 an score ve thung.