Zaithiam Mariah Carey chu 1994 kuma a krismas hla lar, ‘All I Want for Christmas is You’ vangin copyright thubuai hlinsak a ni.
Hlaphuahthiam Andy Stone chuan hemi hma kum 5 velah hla thupui ang chiahin hla a phuah. Ms Carey-i’n a style leh larna dik lo takin a hmang, a ti. Zangnadawmna $Maktaduai 20 a phut.
Hla thupui in-ang mah se, hla hi kalphung in-ang lo tak ni mah se, Ms Carey hian thu inchuah buaina a thlen bakah phalna a di lo, tiin Mr Stone hian a sawi.
Masi hla sawi tawha rilru-a lo lang nghal mai Mariah Carey, ‘All I Want for Christmas is You’ hi Masi hla siam tawh azawnga hriatlar ber pawl a ni pha a.
A album, ‘Merry Christmas’ (1994) ah khan langin, ram tam takah pakhatna a nih bakah 2017 khan he hla atanga sum a lakluh hi $Maktaduai 60 chuangzet a ni.
He hla vék hi Spotify-ah billion khat chuang stream a ni tawh bawk a, Masi hla play hlawh ber zingah a langsar.
Kum 28 liam hnu daiha heti anga thubuai hlabuai thehluh a ni chauh mai hian zawhna a ti tam hle. Ms Carey erawh thubuatsaih lai hian ngawih a la chuh.