Music Domain Mizoram chuan June 3, 2022 tlai dar 3 khan Dawrpui Multipurpose Centre-ah Assembly Vawi 7-na leh Inthlanna bakah, zanlam ah Youtube Million Views leh MDM Award te sem hun an hmang. An thurel langsar zingah district hrang hranga Headquarters din te, a tel a ni.
Tlai dar 3:00 ah rorelna nei in President R. Lalbiaksanga’n a kaihruai. MDM hmalam hun atan heti ang hian thil pawimawh tak tak an rel:
- Zaitham/Rimawi lam a tui, tu pawh Mizoram Rimawi lama hmasawnna ngaihtuah te fee pe in, life member leh member annih theih thu te
- Producer ten zalen taka MDM Library an hman theihna tur a kawng hawn te
- Zaipawl (Kohhran leh pawl hrang hrang) pawhin MDM Library an hman theih thu te
- Zaithiamte’n hlawk zawk a sum an hmuh theihna tur atan leh zai mite inpumkhat leh zual nan District hrang hrang ah Hqrs. din tur thute an pawm.
Zan lamah K. Lalthanzama, Chairman, Joseph Construction khuallian niin, Khuallian chuan, Mizo zaithiam te kawng hrang hrang a hmasawn zawng a ke an penna-ah tha a tih thu sawi in. Theih tawp chhuah a Mizoram music industry ti chang tlung leh ti hmasawn turin a fuih.
Mizoram State e-Governance Society (MSeGS) ICT Department atangin Isaac Zothanpuia’n Zaithiam te tan media lama hmasawn angaih thu leh hlawhtlinna kawng in hawn theih dante Awareness a neihpui bawk.
The Prophets chawimawi
MDM Award semna leh Youtube Million Views te chawimawina leh The Prophets band te’n Shirui Lily Festival a Rock Contest ‘ShiRock 2022,’ Bakshi Ground, Ukhrul, Manipur a neih a lawmman pakhatna an lak chawimawina te in hun hman a ni bawk.
MDM library a music video register 121 atangin Artist mi 55 te’n million views an nei thei.
MDM Award semna in a zui nghal a. Award hi category 18 a then a ni:
1) Male Artist of the year (Gospel) – Sawmtea Chhangte
2) Female Artist of the year (Gospel) – Maruati
3) Best new Artist (Gospel) – Angaihtei Hnialum
4) Best Male Artist of the year (Lengzem/Lenglawng) – Manuna Chuaungo
5) Best Female Artist of the year (Lengzem/Lenglawng) – Jaui
6) Best new Artist (Lengzem/Lenglawng) – Latei Hringngen
7) Best Group/Duo of the year (Gospel) – One in Christ
8) Best Group/Duo of the year (Lengzem/Lenglawng) – Keimah Senes & Tlangval Tlumtea
9) MDM Zaipawl of the year – Sub Headquarters YMA Zaipawl, Lunglei
10) Folk singer of the year – Mabiaki Pachuau
11) Band of the year – The Prophets
12) Song writer of the year – Peka Fanai
13) Leikapui singer of the year (Male) – Kimkima
14) Leikapui singer of the year (Female) – Sangkimi Khiangte
15) R&B singer of the year (Gospel) – Hmingtea Chhangte
16) R&B singer of the year (Lengzem/Lenglawng) – Rebbecca Lallawmsangi
17) Best Music Video (Gospel) – C.Lalremruata ( Sulam Lenmawi )
18) Best Music Video (Lengzem) – Feli Fanai (Chhing mittui a hul zo ta
Kum 2022 – 2023 MDM OB thar te:
President : R. Lalbiaksanga.
V. President : C. Vanlalmalsawma
Gen. Secretary : K. Lalremruata
Asst Secretary : JH Lallungmuana
Fin.Secretary : Lalnunkenga Chuaungo
Treasurer : Zonunmawi