Hmeichhe tennis world number one Iga Swiatek chuan French Open champion tura rin a kai ber chhan chiang takin a lantir a. Inrinni zan final-ah a khingpui Coco Gauff chu hneh taka thunun in 6-1 6-3 in hnehna a chang.
Kum 21 mi Swiatek hian a zawnin vawi 35 hnehna a channa a ni a, WTA chanchin a tun kum zabi 20-na hnu lama la rei ber a ni.
Kum 18 mi Gauff in Grand Slam final a vawikhatna atan a khel a, a tawnhriat la tlem leh kum naupanna a lang a, bul a tan tha lo.
A khingpui, kum 2020 a champion tawh hmaah a zam a, Swiatek hian hei hi remchangah la in set hmasa berah goal li a la thuai a. Gauff-i’n huaisen takin bei let thin mahse hnehna chang turin harsatna a nei lova. A zawna vawi ruk nan tunhnaiah a telna tournament-ah a champion.
Set hnihnaah Gauff-i’n Swiatek hi a service break sak hmasa mahse Polish nula a insiamtha lehnghal thuai a. Swiatek hian tunhnaia set a khelh hnuhnun 58 atang set 56 a la.
Hei chauh hi ni lovin final a khelh hnuhnung vawi 9 atangin hnehna a la chang vek bawk.Polish nula a chungnung
Kumin Roland Garros khelh a nih dawnin Swiatek hian rin a hlawh a. Tunhnaiah hma a sawn a, clay court khel thiam tia hriat ni thin kha, grass leh hard court-ah pawh hma a sawn.
Kum 2022-ah bul tan tha hle in WTA hnuaia Doha, Indian Wells, Miami, Stuttgart leh Rome-ah te a champion a. March thla a Ashleigh Barty-i’n a chawlh thu a puan hnuah world number one nihna a hauh nghal.
Number one a nih hnuah hma a sawn belh leh emaw tih turin a telna apiang a thunun chhunzawm.
Kum 2000 hnu lama chak zawn rei ber ni turin Venus Williams record vawi 35 chu a tluk chiah a. Hmeichhe tennis roreltu Serena Williams record a khum.Eng nge an sawi?
“Inkhel dang ang bawkin ka ngai lui a, mahse a boruak a len bakah mipui an tam avangin a awlsam lo. Hei vang hian zam a awl ve thin. Mahse ka khingpuite pawhin he boruak hi an tawng ve dawn tho tih ka hria a, chuvang chuan chiai loh hram hram ka tum.” tiin a chak hnuah a sawi.
“Kum hnih kalta khan ka beisei loh tak ni turin he title hi ka chawi a, tun tumah erawh hlawhtlinna nei turin ka thawhrim a ngai a. Ka theihtawp tak tak ka chhuah a, ka chungah beiseina lian tak a awm a, hei hian ti awlsam lo mahse ka tum ka hlen thei.” a ti.