BLACKPINK member Rosê chuan YG Entertainment hnuaia trainne a nih lai khan dam khaw chhuah ngeina turin thih tha in a tang, a ti.
Vogue Australia-in a kawmnaah BLACKPINK member puitling ni tura lakluh anih hmaa khan YG Entertainment hnuaiah kum 5 dawn training hautak leh hahthlak a pal tlat a, nun khawchhuah nan thih tha tak meuhin a bei, tiin a sawi.
“Korea ka thlen khan ‘Khai, a va hautak mah mah vele’ ka ti a, kum 5 vel nitin training tawh hmeichhe 12 vel ka hmu bawk a, a hahthlak hle,” a ti.
Sawi chhunzawmin, “Thiante ka phak loh chuan min cut daih ang a, Australia ah min thawn haw vang vang ang. Hlawhltinna engmah pawchhuak lova, haw leh kha ka ngaingam ngang lo a ni,” a ti bawk.
YG Entertaiment hnuaia dam khawchhuah tura a beihna chu tisa leh rilru, thlarau thlengin a nghawn a na lutuk nia sawiin, “Trainnee zinga cut bik nih ka duh lova, thawn haw phei chu ka duh lo lehzual. Chuvang chuan, inthlahdah theih turin second khat pawh hun ka pe phal lo a ni,” tiin a beih fat fat dan a sawi.