Russian heavyweight Alexander Volkov chuan chiang takin hnehna a chang a. UFC heavyweight huangah hnehna pawimawh tak ni thei turin Jairzinho Rozenstruik chu round khatnaah a knockout.
Las Vegas a UFC Fight Night main event ah heavyweight rankings a pasarihna Volkov hian a khingpui hi minute 2 leh second 12-naah a kut ding leh veiin a hnek hnem hle a. Knockout a hnehna chang thei tak Rozenstruik-a’n dawl lovin referee Herb Dean-a’n bout a titawp.
Feet 6 leh inches 7 a sang Volkov hian kum ruk chhunga UFC a hnehna a chan ran ber tum a ni bawk.
“Inven dan a nei tha lo tih ka hria a, chuvangin bang hnaiha ka nawr chuan hun a inhawng dawn tih ka hria.” tiin a chak dan a sawi.
Preliminary card-ah hmeichhe strawweight title chuh pha tawh Karolina Kowalkiewicz chuan vawi nga a tlawm zawn hnuah Felice Herrig a hneh.