British zaithiam lar Robbie Williams-a’n larna leh hmingthanna in hriselna thlenga khawih pawi theihna a keng a ni, a ti.
Kum 16 mi lek ni a Take That band zawm a, 1990 atanga rimawi khawvela dailuttu hian a chawrchhuahna Stoke-on-Trent-ah one-off concert nei turin a inbuatsaih a, Port Vale FC stadium-ah fan singhnih chuang an punkhawm beisei a ni.
Kum 30 chuang rimawi khawvela hlawhltling taka inlan tawh chuan milar (celebrity) nih hi la naupan deuh lai chuan a hlauhawmin, mal taka nun hman theihna a ni thei, a ti.
Kum 48 mi chuan, tleirawl a nih lai atang tawha mi hriatlar a ni chu lawmawm viau mah se, a vuaklet na tak tak a tam a ti bawk.
BBC media editor Amol Rajan hmâah, “Namen lova lar hi dam-lohna ang deuh a ni a, sorkarin hri-selna chungchanga vaukhanna a siam ang hi tel ve nghal se, a tha ang. A bik takin la thalai deuh te tan a pawimawh zual,” tiin Robbie Williams hian larna in thil tha lo a chhawm tel thin dan a sawi.
Larna leh hmingthanna hian mal ngawih ngawihna nun ram chau angreng taka a hnuklut nghal mai thei a, mite hmuh dan leh thlir dan a danglam nghal ringawt thlengin tawnghriat mak, dangdai leh a chang chuan makpui pui thlenga thleng thei reng a nih htu uar takin a sawi bawk.