‘Vikram’ film-in Karkhat chhungin Rs Vbc. 100 lalut

Tamil superstar Kamal Hassan film thar, ‘Vikram’ chuan box office-ah rorelna fawng vuanin, cheng vaibelchhe 100 club-ah awlsam takin a lut fel.

Tlangzarh atanga kar khat pawh ral hma in, beiseina leh duhthusam zawng zawng a tawngbaw nghal zut zut mai a, film entute tan mamawh chhanna a ni chiang hle. Hassan-a rawn kirlehna ni bawk hi fan te bakah critics lam tan pawh chaw tui tak at ling.

Tamil drama hian kar khat chhung lekin cheng vaibelchhe 100 chuang a la lut der mai a, Hassan tan a film siam tawh azawnga hit ber tihngam a ni bawk.

‘Vikram’ hi Tamil Nadu-ah chauh a lar lova, state dangah pawh a thlipui a tleh na hle. Khawvelpumpui ang pawhin lawmna tur tam tak a awm a, USA-ah meuh pawh top ten-ah a lang pha.

Heti taka a lar chiam vang hian Akshay Kumar channa, ‘Samrat Prithviraj’ leh ‘Major’ film te tan pawh huphurhawm tham a ni pha a, tun dinhmunah chuan an elpha lo mai ni lovin, an chung en ngat ngat a ngai.

Leave a Reply

Your email address will not be published. Required fields are marked *

error: Content is protected !!