Arsenal midfielder thar Fabio Vieira

Premier League club chuan mi thar an nei a, midfielder Fabio Vieira chu Portuguese club FC Porto atangin Euro maktaduai 40 in an lalut.

Porto hian June 17 khan Gunners in an player lakluh tur hian inremna an neih thu an lo sawi tawh a. Kum 22 mi manah hian Gunners hian Euro maktaduai 35 an pe tla phawt ang.

Arsenal hian Vieira in an hnenah contract rei zawk a ziah thu Ningani zna khan an puang.

Vieira a ‘cial’

Gunners boss Mikel Arteta chuan, “Talent tha bik kan hmu chhuak hi a phurawm ka ti tak zet. Fabio hi remchang siam thiam tak, ball pass thiam a ni a. Kan team-ah a theihna sang tak a rawn keng tel a, tangkai theihna lai a ngah dawn.” a ti.

Attacking midfielder fing Vieira hi Portugal senior team tana la khel lo nimahsela nikum European Under-21 Championship-ah Player of the Tournament a thlan a ni a. Portugal Under-21 tan vawi 21 khelin goal 13 a khung tawh.

FC Porto tana player tangkai niin season liamta khan vawi league-ah vawi 27 khelin goal ruk leh assist vawi 14 a nei a, Porto in league title an chawi theih chhan a ni.

Central midfield, attacking midfield leh striker hnung chiah a khel thei ball pass thiam a ni a. Porto tan kum 2020 June khan inkhel tanin match 76 atangin goal 10 a khung tawh a, midang khung tur vawi 18 a siamsak tawh.

Leave a Reply

Your email address will not be published. Required fields are marked *

error: Content is protected !!