Samagra Girls Hostel chung a far nasat avangin a awmten chhuahsan

Aizawl: Samagra Girls Hostel Lungsena awm zirlai 17-te chuan an hostel chung a far nasat avangin zirna chhunzawm thei lovin hostel an chhuahsan.

Lungsen atanga thudawn danin Samagra Girls Hostel hi tun hnai ruahsur avang khan a far nasa hle a, bungrua engmah a him loh avang leh a far hi a nasat zel avangin awm hul ngaihna a awm lo a ni.

Hetiang a nih avang hian zirlai naupangte chuan loh theih lohvin hostel an chhuahsan a, an khaw lam an pan a ni.

Zirlaite hi Lungsen chhehvel khaw hrang hrang pali atangin an kalkhawm an ni a. Lungsen atanga km 9-a hlaa awm, Chhumkhum atanga kalte chuan zirna an chawlhsan mai tur chu ngai ngam lovin, ni tin Lungsenah hian motor hire-in school hi kal an tum a ni.

Leave a Reply

Your email address will not be published. Required fields are marked *

error: Content is protected !!