Aizawl : Leng lal Saihnuna memorial society (SAMSO)-in an buatsaih ‘Leng Lal Saihnuna Fanai’ tih chu nimin khan Art & Culture Minister R Lalzirliana’n a tlangzarh. He lahkhabu-ah hian Leng lal Saihnuna Fanai chanchin leh hla te ziaktu hrang hrangin an ziak te dah a ni.
Kum 1896-a piang Saihnuna Fanai hi kum 1921-ah Kristian-ah inpein 1924-ah Baptisma a chang a. A pa boral hnu 1927-ah Leng khuaah lal-in kum 1949-ah a boral. Mizo lal zingah chuan hlaphuah thiam leh phuah tama lar a ni.
Art & Culture Minister chuan Saihnuna chu hla ril leh hlu, mawi tak Zofate tana phuahtu a nih thu leh a hlut thu a sawi a. "Lal fing tak leh rorel thiam tak ni chungin a khua leh tui ten an hriat dan ber chu hlaphuah thiam, ngilnei leh zaidam a nihna chu a hlu hle" a ti bawk.