Chelsea chuan tunkarah an tlarhnung a khel tura an umzui pahnih zinga pakhat zawk lakluh fel theih an inbeisei a, Netherlands international pahnih, Juventus a khel Matthijs de Ligt, 22, leh Manchester City defender Nathan Ake, 27, te an bawhzui zel. (Standard)
Juventus defender hi Bayern Munich chuan an ngaihven ve reng a, Chelsea chet khalh tumin mimalin inremna an neihpui tawh. (Sport1)
Paris St-Germain manager thar Christophe Galtier chuan Neymar chu an club-ah cham zui turin a duh thu a sawi a, kum 30 mi Brazil forward hma hun hian sawi zui a hlawh mek. (Metro)
Tottenham chuan Villarreal leh Spain international defender Pau Torres, 25, chu an la ngaihven reng a, France centre-back Clement Lenglet, 27, chu Barcelona atangin lalut dawn mahse lakluh an duh tho. (Mirro)
Ajax chuan Tottenham atangin Dutch winger Steven Bergwijn, 24, lakluh an tum a, Pound maktaduai 28 in London club hi an dawr. (Daily Mail)
Fulham chuan Israel international winger Manor Solomon, 22, chu loan in Shakhtar Donetsk atangin an hawh fel thuai dawn. (The Athletic)
Newcastle United chuan France international winger Moussa Diaby, 22, chu lakluh duh mahse Bayer Leverkusen in a man a Pound maktaduai 60 an chhiar chu pek an tum lo. (Telegraph)
Chelsea leh England winger Callum Hudson-Odoi leh Everton a khel English forward Anthony Gordon te chu Newcastle United hian an ngaihven. (90min)
Nottingham Forest chuan Bayern Munich atangin English left-back Omar Richards, 24, chu Pound maktaduai 8.5 a lakluh theih an beisei. (Telegraph)
Tottenham Hotspur chuan Championship club Middlesbrough atangin kum 21 mi Djed Spence chu Pound maktaduai 15 a lakluh an hnaih. (Telegraph)