East Jaintia Hills district, Meghalaya-ah nimin khan IED (Improvised Explosive Device) a puak.
IED hi East Jaintia Hills district-a police reserves camp bul lawkah chawhnu lamah a puak niin an sawi.
A puah hun hi chawhnu dar 1:40 vel a ni a. Police pakhatin hliam a tuar a, enkawlna pek nghal mek a nih thu sawi a ni bawk.
Nunna chân erawh an awm lo va, bungrua leh thil dang tihchhiat erawh a awm nual nia hriat a ni.
Eng pawl mahin he IED puak hi an tih a nih thu an la chhal lo va, police chuan chhui zui hna an thawk zui nghal mek.