Wolverhampton Wanderers chuan a club-ah contract a pawtsei a, tun season atan Belgian club Anderlecht-ah loan in a khel dawn.
Kum 20 mi Silva hian kum 2020 September khan Wolves chanchin a player manto ber ni turin FC Porto atangin England a pan a. Wolves hian Pound maktaduai 37 a manah an seng.
Nimahsela Molineux Stadium-ah beisei angin hun a hmang lova, Premier League-ah vawi 17 chiah inkhel bul tanin goal li chiah a la khung.
Contract thar a ziah avangin Wolves-ah hian kum 2026 nipui thleng a awm dawn a, club lam hian kum khat ziah belh theihna an la nei leh bawk.
Wolves technical director Scott Sellars chuan, “Tuna a dinhmunah hi chuan season tluana a inkhelh hi a tan a tha ber niin kan hria. Keimah leh Bruno Lage leh Fabio nen kan pathumin a tana tha ber tura kan ngaih hi ngun takin kan sawiho fo thin a, a hmasawnna turin loan a chhuah hi tha berah kan ngai. Kum 20 a pum chauh a, player naupang tak a la ni.” a ti.