Rapper lar 50 Cent-a horror film chu hmun leh hmuna latu camerman a tal buai a, a hlauh em vangin hun eng emaw chen biak hleih theih lohin a awm.
‘Saw House’ film thar hi tunhma lama ‘Saw’ nen khan khaikhin a lo ni tawh thin a, social media lamah pawh chai a hlawh hle.
Film director Josh Stolberg chuan tunhnaia film an chan laiin cameraman chu scene hlauhawm tak a shooting laiin minute 30 chhung vel ni khaw hre lovin a talbuai, a ti.
“Nizan khan tualthahna scene kan la a, camera buaipuitu hi a talbuai zui viau mai a, camera ken lai te chhuatah thlauhin darkar 1 chuang hret kan tihtawp a ngai hial,” tiin Stolberg hian twitter-ah a ziak.
He film-ah hian rimawi khawvela rapper lar leh huhang ngah 50 Cent a inlan dawn a, tlangzarh a nih hunah chuan thawm a neih rin hle an beisei.