Barcelona chuan tunlaia defender ngaihven hlawh Jules Kounde chu Sevilla atanga lalut turin inremna an nei a. Euro maktaduai 50 chuangin club pahnihte an inbe rem tawh a, kum li contract ziak tura ngaih a ni mek.
Kounde hi nikum nipui atang tawh a Chelsea in an ngaihven a ni a, nimahsela amah hian Camp Nou a inkhelh a thlang zawk nia ngaih a ni tel.
Barcelona manager Xavi chuan an club hotute hnenah an tlarhnungah defender Andreas Christensen lalut tawh mahse Kounde hi lakluh belh turin a hrilh a, club lamin an manager hi an thlawp.Chiang zawkin
Kounde manah hian Euro maktaduai 50 a inremna an neih phawt bakah a khelhdan a zirin Euro maktaduai 5 atanga 10 inkar vel Sevilla in an dawn belh ang.
Kum 23 mi hi centre-back a nih bakah right-back a khel thei a ni bawk a. Sevilla chanchin a player hralh manto ber a ni dawn. A club hlui Bordeaux chuan Euro maktaduai 8 vel a man atangin an tel ve ang.
English club Blues in nikumah an lalut teuh hle tawh a, inremna an nei nia an ngaih tawh hnuah Sevilla in chelh zui an thlang. Tun nipuiah pawh Blues in indawrna kalpui thui mahse Barcelona an inrawlh ve a, Catalan club hi player in zawm a duh zawk avangin Sevilla in an inrempui ta zawk.
Chelsea hian centre-back Kalidou Koulibaly lalut tawh mahse midang an la duh belh.