Portuguese forward Cristiano Ronaldo chuan season tharah UEFA Champions League khelh a duh avangin a club Manchester United chhuahsan a duh a. Europe club liante hnenah inzuar kual mahse duhtu a la nei lo.
Ronaldo hi Spanish club Atletico Madrid nen pawh sawizawm an ni a, Real Madrid hmelma club hi season thara UCL khel tur an ni a, tlarhma a inthuam that mamawh an ni bawk.
Nimahsela Nilaini a Numancia nen pre-season friendly an khelh tumin club tantuten Ronaldo an duh lohzia an tarlang a. Thuchhuah an siam tel.
Atletico International Union of Fan Clubs chuan Ronaldo thuthang chungchang sawiin, “Cristiano Ronaldo lakluh theihna chungchangah thuthang mai bak a nih chuan hetiang hi a taka a thlen theihna tur kan do tlat a ni.”
“He player hi he club in ziarang nghet tak a neih kalh tlat a ni a. Inpekna, midang tana thawhna, inngaihtlawmna leh he club in midangte ngaihsakna thinlung a neih kalh tlat a ni.”
“Player chuai lam tawh hian trophy min lakpui thei pawh ni ngai se hetiang player lakluh hi kan pawm ngai lovang.” an ti.