National Geographic chuan Arunachal Pradesh ram chungchang documentary film an siam thar, ‘Post Cards from Arunachal’ tia a hming an vuah chu an channel-ah February 20 hian an tichhuak dawn.
He film-ah hian he state-a khualrel thil mawi, hnam hrang hrang, hnam nunze inang lo tak tak, chin dan, an thil ei thin leh khawthleng hrang hrang tihlan a ni ang.
Arunachal Pradesh Chief Minister Pema Khandu chuan nimin khan a pisaah National Geographic channel team chu a kawm nghe nghe a. An state chungchang documentary an siamte chu thlir thuak thuakin an sawiho bawk.
Chief minister chuan ‘Post Cards from Arunachal’ tihchhuah tur chuan khualzin hipna lamah pawh an state tan kawngro nasa taka a sut a beisei thu a sawi.
Khandu hian an inkawmna thlalak leh film-in an state tana rah tha a chhuah a beisei thu pawh Twitter-ah a tar lang zui bawk.