Aizawl : Excise & Narcotics department (END)-in ni hnih chh- ungin hmun thum atangin Heroin (No.4) leh Ganja thahnem tak an man a. July 27, 2022 khan Bawngkawn Brigade road-ah Heroin gram 154 (hawng 12) leh a neitu nia rinhlelh mi pahnih – Ngurthanzuala, Bawngkawn Brigade Road leh Lalthakimi, Sunhluchhip, tuna Chaltlang Venglaia khawsa mek nia inchhalte man.
July ni 28, 2022 zing karah Mamit district chhung Dapchhuah-ah Ganja kg 35, gram 900 a man a. A neitu nia puh mi pali an man te chu Tripura lam mi vek niin, Rammanlal Kaipeng, Chakmaghat, Khowai tih loh chu Tuidu khua ami te vek an ni a. Isor Kaipeng, Isormani leh Kaulasiak Kaipeng te an ni.
Hemi ni vek hian Dapchhuah-ah vek Heroin kg 2 leh gram 85 (hawng 156) leh a neitu nia puh mi panga - Prasenjit Das, Bhola Murg, Badadoyal, Sepahijala, Tripura; Biswajit Debnath, Shiv Nagar, Badadoyal, Sepahijala, Tripura; Jayanta Das, Sepahijala, Agartala, Tripura; Haijal Ahmed, Chengjur, Pa- tharkandi, Karimganj, Assam leh Abdul Muktadir, Patharkandi, Kar- imganj district, Assam te an man tel.
Ruihhlo phurhna atana hman TATA Sumo leh TATA Harrier pawh an hrensak a. Ruihhlo vanga man te hi The narcotic drugs & psychotropic substances act 1985 (NDPS Act) tlawhchhana thubuai siamsak an ni.