AZL: Mizoramin POL chungchanga mipuiin harsatna an tawh dante sawipuiin Mizoram Merchant Association (MIMA) chuan nimin khan Supply Minister K Lalrinliana an kawm.
Supply Minister K Lalrinliana hi a pisa-ah kawmin MIMA hruaitute hian, eng emaw harsatna a awma POL khuahkhirh vat a nihin mipuiah harsatna a thlenin, khuahkhirh anih tuk lawkah POL a awm lo nghal zel chu black-a zuar an tam vang nia an ngaih thu an sawi a. Black-a petrol zawrh hi dan kalh a nih thu awm sa chu thupek chhuah thar leha hma la turin an ngen a ni.
MIMA hruaitute ngenna kal zelah SBI manager-in Rs. 10 thir hman leh thleng, deposit theih a nih chungchanga hriattirna leh ngenna a siam chu sumdawngte mai ni loin mi tinin Rs. 10 thir chu inhmang tawnin, tumahin harsatna insiam lo turin an ngen nghal bawk.