Cristiano Ronaldo chuan Manchester United chu a contract atanga chhuah a duh tih a hriattir a, Champions League khel tur club zawm duh mahse club lamin kum 37 mi hi hralh an tum loh thu an hriattir. (Daily Mail)
Ajax chuan kum 22 mi Brazil winger Antony man atana an beisei chu Pound maktaduai 68 atangin Pound maktaduai 84-ah an sawn chho a, Manchester United nen sawizawm an la ni. (Daily Mail)
Liverpool a khel kum 30 mi Brazil forward Roberto Firmino chu Juventus a insawn fel thuai tur anga sawi a awm. (Corriere dello Sport)
Juventus hian Firmino hi an lalut thei a nih chuan Chelsea atang Germany striker Timo Werner, 26, leh Manchester United a khel France forward Anthony Martial, 26 an ngaihvenna te an titawp ang. (Corriere dello Sport)
Chelsea manager Thomas Tuchel chuan Werner chu a squad-ah tel turin a duh a, a chhuah a phalsak dawn lo. (Kicker)
Barcelona chuan Chelsea atangin Spain defender pahnih Cesar Azpilicueta, 32, leh Marcos Alonso, 31, te lalut turin inbiakna an nei a, inremna neih theih an inbeisei hle. (90min)
Spain left-back Alex Grimaldo, 26, chu Manchester City in an ngaihven zingah a tel a, Benfica in a man atan Euro maktaduai 20 an chhiar. (Marca)
Nottingham Forest chuan kum 30 mi Real Betis leh Portugal midfielder William Carvalho lakluh an duh. (Daily Mail)
Tottenham chuan an Argentine midfielder Giovani Lo Celso chu Pound maktaduai 17 vela lei ngam an awm chuan hralh an phal a, Villarreal leh Fiorentina ten an ngaihve. (The Athletic)
Valencia chuan Arsenal midfielder Lucas Torreira chu lakluh an duh a, mahse free transfer a lakluh an duh laiin Arsenal in a man tel ngei an duh. (AS)