Hmeichhe football a vawi riat European champion lo ni tawh Germany chuan champion trophy chawi belh theihna hun an nei dawn a. France chu 2022 UEFA European Women's Football Championship semi-final ah hnehin final an lut.
Milton Keynes a semi-final inkhel hmuhnawm ah Germany tan Alexandra Popp chuan match nga atanga a goal nga na a khung.
Hei hi France in minute li hnu lekah Kadidiatou Diani hmangin sut mahse Popp bawkin an chakna goal a khung.
Final hi Pathianni zanah Wembley Stadium-ah mipui 87,200 hmaah khelh tur a ni a. Mipa emaw hmeichhe football chanchin a European Championship entu tam record a siam thei ang.
Semi-final hmasa zawkah England in Sweden chu 4-0 in an sawp ve bawk.