Hmasawnna hnathawh kara kawng chhia
Mizoram hmun hrang hrangah hmasawnna hnathawh hmuh tur a tam hle mai a, a bik takin kan inkalpawhna kawngpuite siamthat a ni nasain, thawkkhat lai phei kha chuan kawngchhia hmuh tur a awm loh thu sawite pawh an awm hial a nihkha!
Hun a kal zel a, furpui kan hmachhawn chho a, kawng siam leh siam loh thlengin khuarel chhiatna hrang hrangin min nghawng a, tlawmngaia kawng siam hnatlang neite hial an awm leh ta hi kawngpui enkawltu lam hi chuan inngaihtuah that nan hmang thei se la a duhawm hle.
Siam a nih lai chuan a tha mai har ngei a, tin la siam loh hrim hrim pawh a la awm nual bawk ang. Chung zawng zawngte erawh chu hnathawktu company emaw a enkawltu PWD lam hna a ni dawn lo’m ni?
Tunah pawh kawng chhia vangin inkalpawhna kawngpui hrang hrang a buai phah a, hengte hi sorkar hian enkawlin, vilveng zung zung mai se, tlawmngaia hnatlang chhuah ngai a nih tawh chuan a zahthlak lamah te pawh a kal tawh tihte hi ngaihtuah chian a tha in, a tul anga bawhzui thuai thuai zel a pawimawh hle. Sorkar pawh hemi kawngah hian tang sauh sauh zel teh se.