Aizawl: Mizoram Law & Judicial Minister T.J. Lalnuntluanga chuan nimin khan Union Law & Justice Minister Kiren Rijiju chu New Delhi-a a chenna inah kawmin Mizoram mamawh hrang hrang a thlen.
Union Minister Rijiju chu T.J. Lalnuntluanga hian Champhai District Court building sak dan tur chungchang te, a department kaihhnawiha hmachhawp hrang hrang te a sawipui a. Rijiju chuan law & judicial minister ngenna chu a ngaih pawimawh thu lo hrilhin state sorkar nen tang duna theihtawp chhuaha hmalakpui a inhuam thu a lo hrilh.
Minister hi Thomas Lalrammawia, Dy. Secretary, Law & Judicial Department leh Pee Lee Ete, Conservator of Forest (Eastern Circle) ten an tawiawm a ni.