Chelsea chuan kum 18 mi midfielder Carney Chukwuemeka chu Aston Villa atangin Pound maktaduai 20 in an lalut.
July thla a England tana Under-19 European Championship an chawina kawnga player pawimawh hian Stamford Bridge-ah hian kum ruk contract a ziak.
Aston Villa hian contract thar zawrh mahse ziah loh a thlang zawk a. Hei vang hian pre-season inbuatsaihna an neihah pawh an hruai lo.
Club in manto zawka hralh thlang ta zawkin an hralh fel a. Chukwuemeka chuan, “Tunhnaiah thil kaldan a ni rum rum deuh a, mahse Chelsea an lo lan tawh khan khawdang ka hawi thei tlat lo. Chuvangin hetia engkim kan tifel thei hi ka lawm hle.” tiin a insawn hnuah a sawi.
“Ka phur tawh hle a, ka club thar a bul tan ka chak tawh. Ka teammate tharte nena thawhho a, Chelsea a hlawhtlin tuma beih ka chak tawh hle.” a ti.
Chukwuemeka hian season liamta khan Villa tan match 13-ah a inlan a. Nakkum season zawh thleng contract nei a nih avangin man lova chhuah aiin hralh an thlang zawk.
Thla hmasa khan Villa boss Steven Gerrard chuan Chukwuemeka hian contract an zawrh a ziah loh thu a lo sawi tawh a. Blues bakah Barcelona, AC Milan leh Borussia Dortmund te pawhin an ngaihven.
Chukwuemeka hi UEFA European Under-19 Championship Team of the Tournament a thlan zingah a tel.