aIZAWL: Vawk pul hri, African Swine Fever (ASF) Mizorama a darh tanna leh ASF vanga Vawk 756 an thihna, Lungsen khuaa Vawk vulhtute chu zangnadawmna dawng tura thlan zingah an tel lo.
Lungsen khawtlang hruaitute chuan ASF vanga Vawk suatsakte hnena sem tura Mizoram sorkarin sorkar laipuia atanga zangnadawmna sem tur a dawn te semchhuah tura tihfel ni tawha an hriat thu leh a dawng tur zingah an khuaa ASF vanga Vawk chan te an tel loh thu an sawi a. ASF a hluar tan tirh lama dam chhuak zo lo tura ngaih Vawk engemawzat tihlum awm mahse, heng te hi sorkarin ASF vanga Vawk suat zinga a chhiar tel loh avangin an khua chuan tuar na viau mahse, zangnadawmna dawng thei tur an awm lo niin an sawi.
ASF a hluar tan tirh lai khan sorkarin a suatsak te hnenah chauh zangnadawmna sem a ni dawn tih an hriat loh avangin dam chhuak zo dawn lo tura lang an Vawk te chu anmahniin an lo suat ve mai niin an sawi a. Heng te hi sorkar chuan ASF vanga suatah a pawmsak thei ta si lo niin an sawi bawk.
Hemi chungchangah hian Lungleia AH&Vety deptt. chuan sorkar atanga hriattirna an la dawn loh tuh an sawi a. ASF vanga Vawk thi neitu zawng zawng zangnadawmna pek an nih loh tur thu leh department a chhinchhiah te chauhin zangnadawmna an dawn tur thu an sawi bawk a ni.