Aizawl : Sorkar laipuiin India zalen champhap vawi 75-na lawmna Azadi ka Amrit Mahotsav (AKAM) chi khat atan a duh apiangin India hnam puanzar an zar theih na turin Indian flag code rules chu August ni 13-15 chhung atan a siam danglam a, mimal in-ah pawh zar theih a ni dawn a. Ni tlak ruala hnam puanzar lak thlak thin pawh lakthlak ngai lovin, chhun leh zanah hnam puanzar chu zar reng theih a ni ang.
India zalen champha vawi 75-na lawmna atana in tina hnam puanzar zar (har ghar tiranga) tura hmalaknaah Art & culture department-in India hnam puanzar chu hmun hrang hrangah Rs. 20-a leih theih turin a dah tawh tih sorkar thuchhuahin a tarlang a. August ni 13 - 15 chhung chu sorkar pisa leh hmun dangahte bakah zirna in, mimal building leh mimal in tin ah te tar vek turin sorkarin a ngen a ni.
Hnam puanzar hi Aizawlah chuan - State Library, MINECO; Vanapa Hall; Aizawl DC office; Directorate of Art & Culture; Mizoram State Archives; Mizoram State Museum; AMC office Aizawl Municipal Corporation; LEO PLUS, D-67, 3rd Floor, Millenium Centre; Peniel Electricals, Vaivakawn; District Library, Sikulpuikawn; Petronas Oil, Chanmari; S.K. Variety Store, Upper Kanan; E.L. Drug Store, Maubawk; Synod Book Room, Bawngkawn; CYMA office, Tuikhu- ahtlang; MUP office, Near Raj Bhavan; Sunrise Hardware Store, Ramhlun North leh Kulikawn Local Council President Ramhlunsanga In-ah te Rs. 20-in lei theih a ni a. Aizawl Head Post office-ah Rs.25 man chi lei tur a awm bawk. a