Premier League season thar a inherchhuak a, nizanah Arsenal leh Crystal Palace te inkhelin bul an tan.
Tun season-ah champion lai Manchester City chu team zawng zawng umzui an ni leh dawn a. Pep Guardiola pawlte hian striker langsar thar an neih bakah an squad tihchak lam an buaipui a. Liverpool pawhin an tlarhma an tidanglam a, an pahnih hian inel leh tura ngaih an ni.
Chelsea leh Tottenham ten a sang pahnih inumna a tel ve tumin an bei mek a. Eng nge an an dawn hriat a la ni lo.
Arsenal in season tawp lamah beiseina lian an nei a, chhunzawm an duh dawn. Manchester United in manager thar hnuaiah bul an tan tha a, tehna tling ni lo mahse pre-season atangin an fans te an phur.Bitum tur chu
Champion lai Manchester City in striker Erling Haaland an nei thar, an tlarhma lamah mit a fu nasa dawn.
Midfielder Kalvin Phillips an nei bawk a. Haaland hian season liamta a City harsatna, goal hma a a hmawr an bawk thinah thui taka awmzia a neih an beisei. Nimahsela City in an inkhelhdan an thlak danglam a ngai ve dawn thung.
City hian nakuk zanah West Ham United hmachhawnin bul an tan ang. An mi thar Erling Haaland, Julian Alvarez leh Kalvin Phillips te inkhel thei tura fit tha hman vek an ni.Liverpool pawh
Manchester City elpui ber tur chu Liverpool an ni a, vawiin tlai dar 5-ah Fulham nen an inkhel dawn.
Striker Darwin Nunez nei thar Liverpool in Mohamed Salah chu contract thar an ziahpui a. An tlarhma sawi danglam nimahsela goal khung thei tak tak an la ngah.
Lehlamah Fulham hi kaithar an ni a, tunhma in Premier League a an kir lehna season-ah beisei pha ngai lo mahse tun tumah beiseina an nei sang a, an inrintawk bawk.
Striker Aleksander Mitrovic-a’n Championship a goal a khung theih chu Premier League-ah chhunzawm ngei a tum dawn.Midang
Chelsea in defender thar an la fel a, a inkhel hman dawn lo. Everton an tlawh ang.
Blues hian Raheem Sterling chu Manchester City atangin an lalut a. An coach Thomas Tuchel chuan an tlarhma tidanglamtu a nih a beisei.
Arsenal in fing takin player an lalut a, an bazar dan in mi tam tak fak a hlawh. Striker rinrawl thar Gabriel Jesus an nei a, pre-season inkhel atangin goal a khung hnem.
Top scorer nih inchuh thei tur forward team lian parukin an nei a. Tottenham in Son Heung-min leh Harry Kane thlawp turin Richarlison an nei a. Manchester United in sawisel hlawh Marcus Rashford, Anthony Martial leh beisei la pha lo Jadon Sancho te hmangin hmasawn an tum ang.