Manchester United leh Brazil defender Alex Telles chuan tun season tluan atan loan in La Liga club Sevilla a zawm.
Telles hi Old Trafford-ah left-back Tyrell Malacia leh centre-back leh left-back a chhawr theih defender Lisandro Martinez te an luh thar avangin khelhna hmun a chang tam dawn lova, hei vang hian club in a chhuah an phal.
Kum 29 mi an hawh chhung hian Sevilla hian a hlawh zawng zawng an tum anga, season tawp hunah lei ngheh theihna erawh an nei lo.
Kum 2020 a Euro maktaduai 15 a United in FC Porto atanga an lakluh Telles hian United tan vawi 50 khel tawhin goal khat a khung a, midang khung tur vawi 8 a siamsak tawh.
Telles hi thla 14 chhung ram tana inkhel tur zinga telh a nih loh hnuah January thla khan Brazil squad-ah telh a ni a. Spain-ah loan a inkhelhna hmun a chan tam chuan kumtawp World Cup-ah atan squad a hmun a chan theih a inbeisei.