AIZAWL: AMC Ward VIII bialtu councillor Christina Roluahpuii Sailo-in AMC bultuma lei plastic tuizem litre 500 dawng chu Inrinni khan a bial chhunga chhungkaw 80 te hnenah pakhat theuhin a sem chhuak.
Christina Roluahpuii Sailo chuan tuizem chu a dawng awm takin an dawn theihna turin ward committee kaltlangin a dawng tur thlan a nih thu a sawi a. "A mamawh ten tuizem an dawn theihna tura ruahmanma siamtu Aizawl Mayor Pu Lalrinenga Sailo chungah lawmthu ka sawi a ni" tiin, tuizem chu la sem leh tur a nih thu a sawi bawk.
AMC Ward III bialtu Councillor C. Lalchhandami pawhin Zirtawini kalta khan kum 2021-2022 property tax return Rs. 1.6 hmanga Ramhlun North Local council house cheithar chu a tlawh a. Ramhlun North LC-in tha taka LC House siamthaa an chei thar chu lawmawm a tih thu a sawi a. An hna pawh a tha viaua a hriat thu sawiin, "Local council house te hi party mal bik ta a ni lova, khawtlang rorelna changtu apiang ten mahni ta anga tha taka enkawl zui zel turin Local council member te kan infuih a ni," a ti.