A chiang ta e! Film Federatoin of India chuan Gujarati film, ‘Chello Show’ chu Oscar Awards 2023 a India official entry atan a thlang.
He film hian ram hrang hrangte thawhchuah film te nen Best International Feature Film category-ah an intihsiak dawn ta a ni.
Film lar leh sawi hat hat tling, ‘The Kashmir File’ leh SS Rajamouli kutchhuak, ‘RRR’ te chu jury lamin chawpchhuah tum hman mah se, a tawpah chuan drama hmuhnawm tak, tunlai bawk si ‘Chello Show’ chu a dingchhuak ta zawk.
‘Chello Show’ ah hian a taka mi pakhat thil tawn tarlan a ni a, a naupan lai huna movies an atchilh dan te tarlan niin, festival angah te award tlem azawng a dawng tawh nghe nghe.
Lemchan khawvela award hlut hlawh ber Academy Awards (Oscar) hi March 12, 2023 hian Dolby Theatre, Los Angeles-ah semchhuah a ni ang.