Gujarat inthlan
|| Modi, Gandhi, Kejriwal

Gujarat assembly inthlanpui neih turah campaign boruak a sang zel a. Rorel lai, BJP chu Prime Minister Narendra Modi-a hova thawk chhuakin a khing turin Congress hruaitu, Rahul Gandhi leh Aam Aadmi Party Convenor Arvind Kejriwal te an che chhuak ve bawk.

Prime minister hian ni hnih liam ta chhunga hmun nga laia vantlang inkhawma hun a hman hnuah Thawhtanni khan Surendranagar-ah hun a hmang leh a. Jambsar leh Navsari-ah thu a sawi bawk.

Hetih lai hian thla hnih dawn Congress-in Bharat Jodo Yatra a huaihawt a kaihhruai hnuah Gandhi chuan Thawhtanni khan hmun hnih – Surat-a Jansabhas leh Rajkot-ah hun a hmang.

Congress chief hlui hi kum 27 zet BJP ro lo rel tawhna state-a inthlan lo awm turah vantlang hmaa a la inlan miah loh avangin sawisel a hlawh hman hial a ni.

Pathianni khan prime minister chuan campaign-a hun a hmannaah Congress na taka a beih rualin BJP sorkar, sorkar laipui leh state-a mi hlawhtlinna hrang hrang a sawi chhuak.

Hetih lai hian AAP hruaitu, Kejriwal chuan Thawhtanni chawhnu khan Amreli-ah road show a huaihawt a. Thu a sawinaah sorkar laipui leh Gujarat-a BJP sorkar chu na takin a bei a, Delhi-ah hian December 4-ah MCD inthlan a awm dawn bawk.

Kejriwal-a hian beihna a tawng ve tho va, heng zingah hian ram khawpui bera MCD inthlan turah an hruaitu thenkhat zingah inthlan chuh tura pawisaa dinna tur lei an awm nia sawi pawh a tel.

Gujarat hi thawh hnihin December 1 leh 5-ah an inthlang dawn a, vote tlate chu December 8-ah chhiar a ni ang.

Leave a Reply

Your email address will not be published. Required fields are marked *

error: Content is protected !!