An fanu thata suitcase-a a ruang paihtua puhin nu leh pa man

Indian police-te chuan nula thata relkawng (expressway) bula a ruang paihah puhin a nu leh pa an man.

Nula ruang hi plastic-a tuamin suitcase senah khung leh a ni a, Zirtawpni khan hmar lam, Uttar Pradesh-a Mathura khawpui kiangah chhar a ni.

A thattua an puh – a pa, Nitesh Kumar Yadav leh a nu, Brajbala te chuan an fanu thihna leh man an nih chungchangah engmah sawi an la nei lo.

Police chuan he thubuai hi tualthahna, honour killing an tih angah ngaiin an chhui.

Honour killing an tih hi miin tum sa reng leh an thu an zawm loh avanga mi an thah sawina niin India-ah hian hetiang inthahna hi a thleng tam hle nia ngaih a ni.

Hetiang inthahnaah hian thahte hi thalai an ni tlangpui thin a, inngaizawng, an nu leh paten chi inan loh leh inthlauh avanga an duh loh, innei lui leh inngaizawng lui, an nu leh pa leh lainaten an thah a ni tlangpui thin.

Tun tuma nula thi hi Aayushi Chaudhary niin Delhi-a mi mal college-a kal lai, a chhungte nena cheng niin police chuan an sawi.

Thawhtannia police-in thuthar lakhawmtute an kawmnaah chuan kum 22 mi nula hi a pain November 17 khan an chipui ni lo pasal a neih avangin a that niin an tar lang a. A nu leh pa hian a ruang hi suitcase-ah dahin zanah Yamuna expressway bulah an dah niin an sawi.

A tuka a ruang hmuh a nih hnua post-mortem atangin nula lu, a taksa leh hmaiah hliam a nei nasa hle niin police chuan an sawi a, ‘a awmah vawi hnih kah a ni bawk’ tih an sawi.

A pa silai leh pawikhawihna atana an hman car an mansak tih an sawi bawk.

Leave a Reply

Your email address will not be published. Required fields are marked *

error: Content is protected !!