Khawlaia bawng chhuah vangin thla ruk tang dawn

India khawthlang lam, Gujarat-a court chuan pa pakhat, khawlaia a bawng vulhte chhuahtu chu thla ruk chhung lung in tang turin a hrem.

Prakash Jairam Desai-a hian a ran vulhte khawlaiah zalen taka chhuahin mi dang nunna atana hlauhawmin a awmtir tiin thiam loh chantir a ni.

Gujarat hi Indian state eng emaw zat zinga khawlaia bawng tla pung zel avanga buai zingah a tel.

Court chuan hremna hi hetiang thil pung zelah dah bawhchhiate laka dikna hlen chhuahna a nih thu a sawi.

Bawng hi India-a sakhawpui ber, Hindu ran thianghlim niin state 18 zetah talh khap a ni a, Gujarat pawh a tel.

Kum 2017 khan Gujarat-ah hian bawng venhimna dan khauh zawk pawh siam niin a talhtu chu dam chhung lung in tang tura hrem theih hial a ni tawh.

‘He dan vang hi a ni e’ tih ngam chiah si lovin khawlaia bawng tla a pun phah a, lirthei leh mihring kal a tihbuai bakah mi beih pawh an ching a, ran in neia ei zawngte pawh an buai phah.

Court-in hremna a tihchhuahah chuan bawng neituten khawlaia an chhuah avangin mi an thi a, thenkhatin hliam an tawrh phah bawk tih a tar lang niin The Times of India chuan a tar lang.

Gujarat-ah hian kumin kumtirah khan ran vun natna a leng chiam a, bawng tam tak an thi.

State sorkar chuan bawng 5,800 chuang thiin 1,70,000 velin hri an kai niin an sawi.

September thla khan Gujarat-a bawng in neitu pawl chuan sorkarin an tana a thu tiamte a tihhlawhtlin loh avangin khawlaiah bawng sang chuang an lo chhuah tawh.

Video thehdarhah sorkar pisa pawimawh tak tak chhunga bawng lutte pawh hmuh tur a awm a, thuneitute chu hma la thuai tura hriattir an ni.

Leave a Reply

Your email address will not be published. Required fields are marked *

error: Content is protected !!