China-a factory kangah mi 38 thi

China ram lailia thil siamna hmun (factory)-a Thawhtannia kangmei chhuakah mi tam tak an thi niin Chinese sorkar chanchinbu chuan a puang.

Sorkar hnuaia awm, Henan Daily chanchinbu chuan Anyang, Henan province-a factory-a chhiatna thlengah hian chin hriat lohva awm mi pahnihte thia hmuh an nih leh hnuah mi 38 an thi ta tih Thawhlehni khan a tar lang.

Thawhlehni vek khan mi pahnih chu hliam tenau tuarin enkawl an ni bawk tih state broadcaster CCTV chuan a puang bawk.

Police chuan he kangmei chhuak avang hian mi eng emaw zat an man tawh a, kangthelhtuten darkar sarih chuang zet hnuah an thelh mit thei chauh tih CCTV chuan a puang bawk.

Chhuina hmasaaah chuan electrical welding an tihnaah him tawk lova thiltih a awm niin thuneituten an sawi tih Henan Daily chuan a tar lang.

Leave a Reply

Your email address will not be published. Required fields are marked *

error: Content is protected !!