ZPM sorkar hunah MLA-te hamthatna a zahvea titlem nghal kan tum : Duhoma

Aizawl: ZPM Leader Lalduhoma’n ZPM party-in sorkarna a chan hunah MLA-te hamthatna a zatvein an titlem nghal dawn a, sorkar sumin car an leisak dawn lo a, VIP culture tihbo an tum tih a sawi.

He thu hi nimina West Phailenga ZPM Dampa West Block Conference & Political Training neih a hmanpuinaah a sawi a. Duhoma chuan ZPM a sorkar chuan chief minister-in works department a chang dawn lo a, VUC-in party leh sorkar a uap ang a, chief minister leh party president nihna chelh kawp a rem dawn lo tih sawiin, “Minister-te pawh party elected OB an ni dawn lo a, MLA-te hamthatna a zatvein kan titlem nghal dawn a, sorkar sumin car kan leisak dawn lo a, ZPM sorkarah chuan MLA-te an kal hmasa dawn a, VIP culture tihbo a ni ang,” a ti.

Ram leilung hausakna atanga intodelh tum party an nih thu sawi bawkin, an sorkar hun atan mipuite bana kaichhuak turin hand holding policy an duan thu te, a rate hresain thlai chin a ni ang a, kuthnathawktuten work order an hum sa ve thung dawn a; thlai thar mumal taka hralh turin vegetable supply chain an siam dawn tih a sawi.

ZPM Working President K Sapdanga pawhin thu sawiin, “Mizoram hian eirukna kan duh lo tak zet tih entir nan MNF hi kan dah ‘nil’ a ngai,” a ti a, an khingpui party thenkhat chuan mipuite chu lamtanga sawm an tum lem lo a, last minute-ah eng emaw hum chunga chibai sem a tawkin an hria a, chibai paha hum tur thahnemngai taka tuak chu an ngaih pawimawh a nih thu a sawi.

Sapdanga chuan ZPM-in chibai bawlhhlawh hi mipuite hmuhsitna tawpkhawka an ngai a, tih ve an tum lo tih a sawi bawk.

Leave a Reply

Your email address will not be published. Required fields are marked *

error: Content is protected !!