Mipuite mangannaah MPYCC-in ke pen zel dawn

Aizawl: MPYCC chuan nimin khan Congress Bhavan-ah executive meeting an nei a. He hun kaihruaitu, Congress Thalai President Dr Lalmalsawma Nghaka chuan mipuite manganna a awm apiangin ke an pen zel dawn niin a sawi.

Dr Lalmalsawma Nghaka chuan healthcare bill tang avangin mipuiten harsatna an tawk nasa tih sawiin, “Damlo inenkawlna bill la thei lo mangangte aurawl hi an ngaihthlak reng hi hrehawm kan ti takzet tawh a. An thlavang hauh nana high court meuha PIL theh luh tawh pawh high court-in thutlingah ngaia a lo pawm ta hi lawmawm kan ti hle a. Mipuite harsatna hrang hrangah an thlavang hauh turin theihtawp kan chhuah zel dawn a ni,” a ti.

Congress party-in manifesto pakhatna an tlangzarh atang khan ram siam tak tak tumna manifesto tih a chian thu sawiin, “Mipui vote duh vanga tih theih miah loh leh tih tum miah loh intiamkamna pakhat mah a tel ve lo a. Keini chuan sorkar tha siam tumin Mizoram mipuite leh theihtawpa tang mekte, anmahni ke-a an din theihna tur manifesto a ni,” tiin, Congress an sorkar leh a nih chuan theihtawp an chhuah dawn tiin Dr Lalmalsawma Nghaka hian a sawi.

Leave a Reply

Your email address will not be published. Required fields are marked *

error: Content is protected !!