A hla lar ho ah lungawi thei lo

Heti khawpa hla lar ngah leh hmingthang tak ni chung si hian a hla leh rimawi te lakah lungawina kim a nei lo niin, Shakira chuan a sawi.

‘Hips Don’t Lie’ hit-tu hian a hla hlui lar tak takte a ngaihthlak nawn leh châng te hian a duhkhawp lo thin hle a, siamthat leh cheithat ngai a hmu nghal zung zung zel.

Vogue magazine hrilhin, “Keimah ngei pawh hi ka induhkhawp lova, hla hit tak takte thlengin ka ngaihthlak chângte hian, ‘Aw… tikhan lo ti ila, ti lo deuh khan lo sa ila tha tur’ tih hi ka ngah em em zel. Mahse, lungawi lohna leh duhkhawp lohna awm kha thil tha lo vek a nihna a awm hran lo. A thatna lai te pawh a awm. Ka zawh fel tawh thilah letlet tur ka ni lo,” a ti.

Kum 44 mi Shakira hian 2017 khan ‘El Dorado’ album a tlangzarh a, hemi chhutzuina tur hi kumthar 2022 hian vawrh chhuah tumin thapui a thawh mek, “Kuminah hian hla thar a lo thleng zut zut a, kumthar lamah chuan a tak ram kan thlenpui turah beisei ang. Tour in a zui dawn bawk a, ka phur tawh hle,” a ti a ni.

Leave a Reply

Your email address will not be published. Required fields are marked *

error: Content is protected !!