Naupai danna damdawi nghawng!

LUAK LEH LUAK-CHHUAK

Naupai danna ei hnu-a side effect thleng tlanglawn ber chu luak leh luakchhuak hi a ni. I ei hnu darkar 2 chhunga i luak anih chuan a dang ei leh vat a ngai dawn a, kawng dang zawn pawh a tha ang (doctor thurawn lak a pawimawh). Ei atanga dakar 2 hnu-a i luak a nih chuan ngaih that lohna tur a awm lova, a chhan chu damdawi hi thisen-ah a in-chiah ral tawh vang a ni. Thil dang lehah chuan, Naupai danna hian luhai a thlen thei a, chuvang chuan ei hnu hian lirthei khalh te, khâwl leh a kaihhnawih buaipui leh zu in te hi tih loh tawp tur a ni.

THINEIH MUMAL LO

Naupai danna ei zawh hnua thineih mumal lo leh chiangkuang lo a awm chuan Thineih pangngai (period) nena ngaihpawlh tur a ni chuang lo a, thil dang daih a ni thei. I neih hun aia hmâ chawlhkar khatnaah emaw a hnu-ah thi i nei thei a, thi lo chhuak pawh kha dan pangngai ang tho a nih a rinawm a, chutih rualin, a tam thei thei a, a nasa viau thei bawk. Thi a chhuak reng a, a tam ang reng viau anih chuan doctor pan nghal vat tur a ni.

THI NEIH LOH (MISSED)

Period hun tur nia i rin aia hmâ ni sarihna velah i period leh hun tur hi a lo thlen a rin-awm a, hei hi hmeichhe tam zawk-te hmachhawn dan pawh a ni. Amaherawhchu, damdawi ei hnu, chawlhkar thum chhunga i period lo anih erawh chuan naupai leh pai loh enfiah vat a tha ang a, doctor pan a sual lo ang.

NGHAWNG THA LO DANG

Lû nâ, hnute nâ, lû hai leh dul na deuh ut ut te hi a thleng thei a, a tul dan a zirin a tihziaawm nan doctor-in damdawi a pek che a rinawm.

ENG HUNAH NGE DOCTOR I RAWN ANG?

Dul leh a vel a na vak anih chuan doctor rawn vat ang che. Hei hi naupai fuh lohna a ni thei a, a rang thei ang bera enkawl vat ngai chi a ni thei

Naupai danna hi 100% in a thawk kher lo tih hriat a pawimawh a, damdawi ei atanga chawlhkar 3 chhunga thi i nei lo anih chuan doctor hmu ang che
Naupai hmatheh leh awmdan ang deuha awm nia inhriatna i neih chuan inentir ran a pawimawh hle tih i hre dawn nia.

Invenna tel lova nupa nun inhmang a nih chuan STDs natna neih leh neih loh finfiah ran a tul hle.

Serh atanga rim fuh lo leh dik lo tak a awmin emaw thil tui danglam a lo chhuak thin anih chuan thut muan a hun lo.

Awm a nâ a, thaw lak a buai deuh thut thin a, lû nâ, khaw hmuh fiah lo leh ke a nat ngawih ngawih chuan Damdawi In pan a hun hle.

Leave a Reply

Your email address will not be published. Required fields are marked *

error: Content is protected !!