Zodintluanga’n hmanpui

Aizawl: Thorang bialtu MLA Zodintluanga Ralte chuan a bial chhunga khaw hrang hrang fang mekin, nimin khan Rotlang West khuain kum 50 tlin an lawmna a hmanpui a, Golden Jubilee lungphum a phum nghal bawk.

Golden Jubilee lawmna inkhawmah thu sawiin Congress treasurer leh bialtu MLA chuan Rotlang West-in an khaw golden jubilee ropui taka an lawm thei chu a lawmpui thu a sawi a. A pa, Rothangpuia pawhin Rotlang West khaw din tirh atangin a lo hmelhriat tawh a nih thu leh an chhungkua pawhin he khua hi an intineitu hle tih a sawi.

Rotlang West chu khaw la thang zel tur a nih thu sawiin Zodintluanga Ralte hian, “Khua a changkana hma a sawn zelna tur chuan a chhung a chengte an inlungrual a ngai a. Kohhran, NGO leh political party-te pawh khawtlangin hma a sawnna tur a nih chuan lungrual taka ke an pen ho theih a pawimawh ber a ni,” tiin jubilee hian Rotlang West khawtlang malsawmna nasa tak thlen turin duhsakna an hlan.

Leave a Reply

Your email address will not be published. Required fields are marked *

error: Content is protected !!