Aizawl : Lunglei District level committee on Fire prevention chu nimin khan an Chairman Lunglei Bawrhsap Kulothungan hovin an thukhawm a. Kangmei ven hapta February ni 6-10, 2023 chhunga hman dan tur chung- chang an sawiho.
Bawrhsap hova thu- khawm chuan Kangmei ven hapta hawnna inkhawm chu February ni 6 chawhma dar 10-ah Convention Centre, Lunglei-ah hman ni se, an ti a. State level sub committee-in lo, leipui leh huan hal hun tawp atana March ni 15, 2023 a ruat chungcha- ngah District Administration leh District Local Administration Officer ten order chhuah se, an ti.
Kangmei vengtha khua 3 te hnenah Village level fire prevention award 2023 siam ni se, an ti a. Pakhatna hnenah Rs 50000 leh Certificate, pahnihna hnenah Rs 30000 leh Certificate leh pathum na hnenah Rs 20000 leh Certificate pek ni se, an ti bawk.
Kum 2022-a kangmei veng tha khua – Bualte, Thenhlum leh Chawilung te hnenah Village level fire prevention award 2022 hlan an ni a, Consolation prize – Lungsen VC II, Haula- wng leh Zohnuai te hnenah pek a ni bawk a ni.
Lunglei DFO PC Lalchhandama’n a sawi danin nikum chhung khan Lunglei district-ah ramkang hmun 227-ah awmin, hmun 272 chu lo hal vang a nih thu Forest Survey of India-in a tarlan thu a sawi bawk.