Aizawl : Lawngtlai District level monitoring committee (DL- MC)-in Lawngtlai district-a RD block pathum – Bungtlang ‘S’, Cha- wngte leh Sangau huam chhungah kuthnathawktute intelkhawmna cooperative society chi khat, Farmer Producer Organisation (FPO) pa -khat theuh din an remti.
DLMC chuan block tina hmalakna lo enzui turin Block Development Officer BDO) te chu an block ṭheuhvah Nodal Officer atan a ruat a. Kuthnathawktute mamawh leh harsatna enpuia, a ṭul anga ṭanpui tur leh scheme awm sa nena inhne rem taka kalpui a nih theih dan ngaihtuah turin line depar- tment-te an ngen bawk.
Sorkar thuchhuahin a tarlan danin FPO hi kuthnathawktu ten hla- wk zawka an thawhrah an seng theihna tura kawngkal neia an thawh hova, an inzawmkh- awmna tur a ni a. He ruahmanna hnuaiah hian India hmarchhakah FPO pakhatah member 100 aia tlem lo awmin, me- mber ten chanvo (share) an nei vek dawn a. Kut- hnathawktute thil thar chhuah hralh, thawn chhuah, vawnṭhat leh a hlutna belhchhah tura thil dang siam nana hman kawngahte Cluster based business organisation (CBBO) ten a ṭul anga buaipuiin, kut- hnathawktu ten hlawkna tam zawk an hmuh theihna tura ruahman a ni.
National Project Ma- nagement Agency (NP- MA)-in Implementing Agency atan NCDC a thlang a. Anni hian Angel Business Promoters of Mizoram chu CBBO atan thlang ve lehin, kuthnathawktute dinhmun leh thlai chin tur zirchianna (baseline survey) an neih hnuah block tinah hma an la chho dawn niin sorkar thuchhuah chuan a tarlang bawk.