Arsenal goalkeeper Matt Turner chu Nottingham Forest in lei an tum a, club pahnihten inbiakna neiin inremna an nei tawh.
USA international hi Gunners squad-ah Aaron Ramsdale thachhangdawltu a ni a, nimahsela Mikel Arteta chuan Brentford atang David Raya lakluh a tum avangin Turner hian club dang a zawm a ngai tih a inhria.
Kum 29 mi Turner hian nizan khan Forest-ah hian medical a nei ang.
Turner hi United States Men’s National Team ah number one goalkeeper a ni a. Tunhnai a Gold Cup a semi-final an thlenna kawngah an goalkeeper rinrawl a ni.
Hetihlai hian Forest hian Turner hi lalut dawn mahse Manchester United atangin Dean Henderson chu lakluh an duh thova, manager Steve Cooper chuan a goal vengte zingah inelna boruak awm se a duh.
Forest hian tun season liamta khan Henderson leh Paris Saint-Germain goalkeeper Keylor Navas te chu goalkeeper ah a nei a, nimahsela loan a an hawh ve ve a nih avangin tunah a first team-ah goalkeeper tawnhriat nei tha tawh kawllai a nei lo.
Turner hian Major League Soccer club New England Revolution-ah professional football a khel tan a, Richmond Kickers tan loan a khel tawh bawkin nikum nipui khan Gunners hi a zawm a, an tan vawi sarih a inkhel tawh.