Azl: Sports & Youth Services Department leh MZP chuan nimin khan Khawzawl Zaingen Branch YMA Hall-ah Y20 Meet on Nationalism, Patriotism & Development an buatsaih.
Y20 Meet hi Y20 Committee Vice Chairman Michael Lalramsanga’n a kaihruai a, MZP Adviser L Ramdinliana Renthlei chuan thu sawiin, “Kan ram leh hnam kan hmangaih a, kan ram leh hnam tana tha kan thawh ve dawn chuan zirlaiah theihtawp kan chhuah a ngai,” a ti a; mahni hnam pui ngei nupui pasala nei turin a chah bawk.
Khawzawl-a Y20 Meet-ah hian Khawzawl Higher Secondary School leh Govt Khawzawl College zirlaite an tel a, Advocate Lalpianfela Chawngthu chuan thu a sawi bawk.
Y20 Meet on Nationalism, Patriotism & Development hi MZP leh Sports Department tangkawpin Y20 Secretariat, Ministry of Youth Affairs and Sports (GOI) hnuaia an buatsaih a ni.