English winger Jadon Sancho chuan Manchester United-ah manager Erik ten Hag leh a teammate-te thlawpna hmu turin a beih fe a ngai dawn a ang ta riau a. Arsenal nen an inkhelh tuma squad a telh loh a nih hnua manager thusawi a chhanlet dan avangin team-ah a tla tlum lo nia sawi a awm.
Khawthlang chanchinbumi thenkhatin kum 23 mi Sancho hian Ten Hag-a’n a training tha tawk lo avanga a telh lo nia a sawi chhanletnaah hian thil hrang hrang a sawi karah amah mawhpuh a ni leh thin nia a inhriat thu a sawi.
Mahse United dressing room-ah Sancho hian thlawptu a nei mang lova, a khelhpuite hian a nungchang leh khawsakzia chu an ning tawh niin an sawi.
United player-te hian manager in khauh taka team a enkawl chu tu tan mah a danglam bik lova, Sancho-a’n hetia a chhanglet hi an pawmpui lo nia sawi a ni a, hetihlai hian hetianga a chhanglet hi mak an ti lo niin sawi tel a ni bawk.
Sancho leh Ten Hag te hi Brighton nen an inkhelh hma in a hma hun chungchanga inbiakna nei tura ngaih an ni mek.